රජයේ ඉහළ පුද්ගලයින්ගේ මැදිහත්වීමෙන් මැයි රැලි මර්ධනය කිරීමට උත්සාහ දරන බව වෘත්තීය සමිති ඒකාබද්ධ එකතුව පවසයි. ඔවුන් මේ බව පැවසුවේ වෘත්තීය සමිති ඒකාබද්ද එකතුව විසින් මැයි දිනය සැමරීමට වෙන්කර ගන්නා ලද හයිඩ්පිටිය අවලංගු කර වෙනත් කණ්ඩායමකට ලබාදීම මුල් කර ගනිමිනි.
වෘත්තීය සමිති සම්මේලනය, බැංකු සේවය සංගමය හා සෞඛ්‍ය , තැපැල් , අධ්‍යාපන මුද්‍රණාල පළාත් පාලන රක්ෂණ යන ක්ෂ්ත්‍රවල වෘත්තීය සමිති ඒකාබද්ධව පවත්වන මැයි රැලිය පැවැත්වීමට හයිඩ්පිටිය තෝරාගෙන තිබුනි. කෙසේ වෙතත් නියෝජ්‍ය පොලිස්පති (බස්නාහිර) සමහ අප්‍රේල් 16 පැවැත්වූ සාකච්ඡාවේදී හයිඩ් පිටිය ලබාදීමට එකග වී ඇති අතර පසුව නියෝජ්‍ය පොලිස්පති කාර්යාලයද එය තහවුරු කර තිබේ. නමුත් දේශාපාලන බලපෑම් මත හයිඩ් පිටිය වෙනත් කණ්ඩායම්වලට ලබාදීමට නාගරික සංවර්ධන කොමසාරිස් තීරණය කර ඇතැයි එම ඒකාබද්ධ සමිති පවසා සිටී.
එබැවින් මෙය ජාත්‍යන්තර කම්කරු දිනය සැමරීමට එල්ල වූ දේශපාලන මර්ධනයක් බව එම වෘත්තීය සංගම් එකතුව තවදුරටත් පෙන්වා දෙයි.
0 comments:
Post a Comment