රටේ ඕනෑම පුද්ගලයකු හෝ සංවිධානයක් සමග සාකච්ඡා කිරීමට ජවිපෙට ශුද්ධ වූ අයිතියක් තිබෙන බවත් ඒ සඳහා තානාපති කපුකම් අවශ්‍ය නොවන බවත් ජනතා විමුක්ති පෙරමුණ ඊයේ (28) ‘රිවිර’ දිනපතා පුවත්පතේ පළ වූ ප්‍රධාන ප්‍රවෘත්තියට ප්‍රතිචාර දක්වමින් සඳහන් කරයි.
එම පක්ෂය විසින් ‘රිවිර’ට එවන ලද නිවැරදි කිරීමෙහි තවදුරටත් මෙසේ ද සඳහන් වේ. ඔබ පුවත්පතේ පළකොට ඇති ප්‍රධාන ප්‍රවෘත්තියේ ශීර්ෂ පාඨය ලෙස සඳහන් වන ‘ඉන්දියානු තානාපති නිලධාරියකුගේ කපුකමින් සෝභිත හිමි හා අනුර කුමාර සම්බන්ධන් රහසේ හමුවෙති’ යන ප්‍රවෘත්තිය පදනම් විරහිත අසත්‍ය ප්‍රවෘත්තියක් බව දැනුම් දෙමු.
එය ජනතා විමුක්ති පෙරමුණට එරෙහිව කුමන්ත්‍රණකාරී ලෙස හිතාමතාම ගොතන ලද අසත්‍ය හා ද්වේශසහගත ප්‍රවෘත්තියක් වන අතර එය ඔබ පුවත්පතේ පළ කිරීම පිළිබඳ කනගාටුව පළකර සිටිමු. එසේම සත්‍ය අසත්‍යතාව පිළිබඳ නොවිමසා එවැනි පුවතක් පළකිරීම මාධ්‍ය සම්ප්‍රදායට පටහැනි ක්‍රියාවකි.
කර්තෘ සටහන
අප මෙම පුවත ඉදිරිපත් කළේ අපවෙත ඉදිරිපත් වූ සනාථ කරගත් තොරතුරු පදනම් කරගෙනය. එබැවින් අපගේ පුවත් වාර්තාවේ සඳහන් කළ කරුණු පිළිබඳ කිසිදු සැකයක් නැත. මේ පිළිබඳව විමසීමට ඊයේ රාත්‍රියේ ජවිපෙ නායක අනුර කුමාර දිසානායක මහතා ඇමතුවත් ඔහුගේ ජංගම දුරකථනය ක්‍රියා විරහිතව තිබුණි.
මේ සම්බන්ධයෙන් තවත් පුවතක් අද රිවිර පුවත් පත පළ කර තිබේ.
දෙමළ ජාතික සන්ධානයේ මන්ත්‍රී සුරේෂ් ප්‍රේමචන්ද්‍ර මහතා ඉකුත් 27 දා දහවල් 12.30ට පමණ කොළඹ පිහිටි ඉන්දියානු මහ කොමසාරිස් කාර්යාලයට ගොස් ඇත.
මාදුළුවාවේ සෝභිත හිමියන්, ජනතා විමුක්ති පෙරමුණේ නායක අනුර කුමාර දිසානායක, දෙමළ ජාතික සන්ධානයේ නායක ආර්.සම්බන්ධන් අතර පෙරේදා පැවැති සාකච්ඡාවෙන් අනතුරුව එහි දෙවැනි පියවරක් වශයෙන් ප්‍රේමචන්ද්‍ර මහතා මෙසේ ඉන්දියානු මහ කොමසාරිස් කාර්යාලයට ගියාද යන්න ගැන දේශපාලන ආරංචි පැතිර යමින් තිබේ.
මාදුළුවාවේ සෝභිත හිමියන්, ජනතා විමුක්ති පෙරමුණේ නායක අනුර කුමාර දිසානායක, දෙමළ ජාතික සන්ධානයේ නායක ආර්.සම්බන්ධන් අතර පෙරේදා පැවැති සාකච්ඡාවෙන් අනතුරුව එහි දෙවැනි පියවරක් වශයෙන් ප්‍රේමචන්ද්‍ර මහතා මෙසේ ඉන්දියානු මහ කොමසාරිස් කාර්යාලයට ගියාද යන්න ගැන දේශපාලන ආරංචි පැතිර යමින් තිබේ.
මාදුළුවාවේ සෝභිත හිමියනුත්, ජනතා විමුක්ති පෙරමුණේ නායක අනුර කුමාර දිසානායකත්, දෙමළ ජාතික සන්ධානයේ නායක ආර්. සම්බන්ධනුත් අතර පෙරේදා (27) පැවැති රහසිගත සාකච්ඡාවට ඉන්දියානු මහකොමසාරිස් කාර්යාලයේ ජ්‍යෙෂ්ඨ නිලධාරියකු සහභාගි වී තිබිණි.
දෙමළ ජාතික සන්ධානයත්, ජනතා විමුක්ති පෙරමුණත් එක්කිරීම සඳහා එම ඉන්දියානු නිලධාරියා කිහිප වතාවක්ම මීට පෙර ද ජනතා විමුක්ති පෙරමුණ සමග සාකච්ඡා කර ඇති බව ආරංචි මාර්ග සඳහන් කරයි.
මෙහි දී සාකච්ඡා වූ කරුණු කිසිදු පාර්ශ්වයක් විසින් මේ දක්වා අනාවරණය කර නැත.
ආශ්‍රිත පුවත් - මව්බිමෙන් ඉඟිකල " නිර්පාක්ෂික පොදු අපේක්ෂකයා" කාගේද?
0 comments:
Post a Comment