ජැක්පොට් කැසිනෝ ශ‍්‍රී ලංකාවට ඇතුළු වුනේ ජේ.ආර්. ජයවර්ධන ජනාධිපති සහ රණසිංහ පේ‍්‍රමදාස මහතා අගමැති සහ රනිල් වික‍්‍රමසිංහ ඇමතිවරයෙකුව සිටියදී 1988 වසරේදී එජාප ආණ්ඩුව ගෙනා සූදු පනත නිසා බව ඇමති එස්.බී. දිසානායක මහතා පවසයි.
මහනුවරදී උත්සව සභාවක් අමතමින් ඇමතිවරයා කියා සිටියේ එජාප රජය යටත් ගෙන ආ සූදු පනත යටතේ මෙරට කැසිනෝ ශාලා 50ක් 60ක් තිබෙන බවයි.
‘ජනාධිපති මහින්ද රාජපක්ෂ මහතා මෙරට කැසිනෝ ශාලා බද්ද රුපියල් මිලියන 50ක්ව තිබියදී එය මිලියන 100 ක් දක්වා වැඩි කළා. පසුව මෙරට කැසිනෝ ශාලා සීමා වුණා. අදත් ඒ සීමා වූ කැසිනෝ ශාලා අගනුවර තිබෙනවා.
ඒවා තිබෙන්නේ 1988 දී ජේ.ආර්. ජයවර්ධන රජය යටතේ ගෙන ආ කැසිනෝ පනත නිසයි. මේවා තවමත් කැසිනෝ සූදුව කරගෙන යන ආයතනයි. එක්සත් ජාතික පක්ෂ රජය යටතේ ගෙන ආ නීති පනත් තුළ තමයි කැසිනෝ සූදුව ස්ථාපිත වුණේ. එදා ජෝසිම් කැසිනෝ රජා උඩතියාගෙන එයා එක්ක එකට ජායාරූප ගත්තේ එජාපයේ නායකයොයි.
ජේ.ආර්. ජයවර්ධන මහතා 1988 ගෙන ආ සූදු පනත තවමත් මේ රටේ තිබෙනවා. ජනාධිපති මහින්ද රාජපක්ෂ මහතා අලූතෙන් කැසිනෝ ශාලා හදන්න ඉඩ දෙන්නේ නැහැ කියල පැවසුවා. සාමාන්‍ය ජනතාවගෙන් පාසල් දරුවන්ගෙන් මේවා ඈත් කරනවා.
හාමුදුරුවරු ජනතා සංවිධාන විරෝධතා පළ කරන නිසා දැන් අලූතෙන් හදන් හෝටල් වල කැසිනෝ නැහැ. සංචාරකයන් ලංකාවට එනවා. ඒ අය හෝටල්වල නවතිනවා. එයාලට පහසුකම් දිය යුතුයි. මැලේසියාව මුස්ලිම් රටක්. ෂරියා නීතිය තදින්ම තිබෙනවා. ඒත් ඒ රටේ වෙනම දුපතක කැසිනෝ ක‍්‍රීඩා පහසුකම් සහිත හෝටල් තිබෙනවා.
ඩුබායි රටේ සේරම තිබෙනවා. මාලදිවයිනේ මත් ද්‍රව්‍ය වලට දැඩි නීති ක‍්‍රියාත්මක වෙනවා. දැන් එහේ දුපත් 187ක සංචාරක හෝටල් තිබෙනවා. ඒ හෝටල්වල මත්පැන් මත් ද්‍රව්‍ය කැසිනෝ මේ සේරම තිබෙනවා. අපේ රටට එන විදේශීය ආයෝජකයන්ට බදු සහන දිය යුතුයි. අපි සිංගප්පූරුව තායිලන්තය මට්ටමට දියුණු විය යුතුයි’
0 comments:
Post a Comment