ජනතා විමුක්ති පෙරමුණ ඊයේ තමන්ට හිමි නැති දේපලක් කොල්ල කෑමට ගන්න උත්සායක් ගැන ඊයේ වාර්තා විය. ඒ පිලියන්දල ජාලියගොඩ තිබෙන ජවිපෙ කැස්බෑව ආසන කාර්යාල ගොඩනැගිල්ල පිහිටි ඉඩමයි.
ඊයේ වූ සිදුවීමට ගැන පුවත් බොහොමයක් වාර්තා වී ඇති බැවින් එ ගැන සටහන් නොකර සිටිමු. එහෙත් මෙහි නොකිවුණු කතාව ගැන කියමු. ඊයේ එම ඉඩමේ උරුමකරුවන්ට කළ පහරදීමෙන් පසුව පළාත් සභා මන්ත්‍රී හිටපු පාර්ලිමේන්තු මන්ත්‍රී ලක්ෂ්මන් නිපුණාරච්චි මුලින් කියා තිබුණේ ජවිපෙ පොලු පාරවල් කා ඒවන විටත් රෝහල් ගත කර සිටි උන් තමන්ට පහරදුන් බවය. අද උදැසන විට මේ ලක්ෂ්මන් නැමැති තක්කඩියා ගුවන් විදුලි සේවාවකට කීවේ අපි නෙවේ උන් උන්ම ගහගේ ඉස්පිරිතාලේ ගිය කතාවකි.
මේවා ගැන පුදුම වියයුතු නැත. විජිත හේරත් නම් ජවිපෙ පචප්‍රචාරක ලේකම් ,මානවඩුවගේ මළ ගෙදරදී අජිත් කුමාර මන්ත්‍රීවරයාට තමන්ගේම නියෝගයකින්ම පහර දී මාධ්‍ය හමුවේ කීවේ එහෙම් කිසිම දෙයක් සිදුවූයේ නැති බවය.
මේ සිදුවීමට අදාලව කියන්න තියෙන්නේ මේ ඉඩමේ උරුමකරුවා වන කන්නන්ගර යනු ජවිපෙ වෙනුවෙන් පූරණකාලීනව් වැඩ කල සහෝදරයෙකි. ජවිපෙ සංදර්ශන වේදීකා ඉදිකරද්දී ඔහුගේ සහය අත්‍යාවශ්‍යම වූ බව මේවාට සම්බන්ධවූ අය නොදන්නවා නොවේ. ඔහු මේ තමන්ගේ පියාගෙන් උරුම ඉඩම ජවිපෙ කාර්යාලයක් දා ගැනීමට ඉඩ දුන්නේ පක්ෂයට ඇති ආදරය නිසාය. ඒ කුලියට දී කීයක් හෝ හොයා ගැනීමට ඇති අවස්ථාව නැති කරගෙන ඒ ජවිපෙට නොමිළයේ ලබා දුන්නේය.
නමුත් කල් යැමේදී අනුර කුමාරලා ජවිපෙ ඇතුලේ පිස්සු කෙළින හැටි ඇස් දෙකෙන්ම දු‍ටු බන්දුලල පක්ෂයෙන් ඉවත් විය. ඉන් පසුව තමන්ගේ දේපල යළි තමාට බාර දී ඉවත් වන ලෙස ලක්ෂ්මන් නිපුනආරච්චිට දැනුම් දුන නමුත් පුලුවන් දෙයක් කරල මෙක අරගනින් යැයි ලක්ෂ්මන් කීවේය. දේපල බලෙන් අල්ලාගෙන සිටින ලක්ෂ්මන්ලා ඒ මොහොතේ කළේ මැරයන් පනහක් හැටක් ගෙන්වගෙන කන්නන්ගර ඇතුලු පිරිසට පහරදී එලවා දැමීමය.
ඉන් පසුව පහර කැවෝ පොලීසි ගියහ. එහෙත් ඒ වෙන කොට පොලිසියට ආරක්ෂක ලේකම්වරයාගෙන් පණිවිඩය ලැබී තිබුණේ ලක්ෂමන්ව අත් අඩංගුවට නොගන්න ලෙසත් ප්‍රශ්නය යට ගහන ලෙසත්ය. ඒ සිද්ධ වූයේ කොහොමද යන්න ගැන තව අ‍ටුවා ටීක අවශ්‍ය නැත, කුමාර ගුණරත්නම්ගේ විස්තර ගෝටාට දුන් අපේ වත්මන් මැතිඳ ඒ කටයුත්ත සාර්ථකව සිදු කර තිබිණි.
අනුන්ගේ දේ කඩා වඩා ගෙන ජීවත් වීම ලක්ෂමන්ට සුළු වැඩය. ලක්ෂ්මන් යනු පිලියන්ද පොළේ අල ලූණූ විකුණූ බජාර් චණ්ඩියෙකි. ඔහු ජවිපෙ දේශපාලනයට එන්නේ ඒ බජාර් චණ්ඩිකම්ද සහිතවය. කොහොමටත් කැස්බැවේ දේශපාලනය යනු එහෙම එකකි. ලක්ෂ්මන්ලාට හරියන ගාමිණි ලොකුගේ, චන්දන කත්‍රිආරච්චි. අනෙක් ඩබලය.
ලක්ෂ්මන්ලාගේ චණ්ඩිකම් එතැකින් අවසන් වූයේ නැත. ලක්ෂ්මන් දැන් දගලන්නේ මෙම රුපියල් ලක්ෂ පනහක් හැටක් පමණ වටින කාර්යාලය සහිත ඉඩම තමන්ගේ නමට ලියා ගන්නටය.
ලක්ෂ්මන් සතුව තිබෙන තුරුම්පුව මෙම ගොඩනැගිල්ලට විදුලිය හා ජලය ලබා ගැනිමේදී ඒ තමන්ගේ නමින් ලබා ගැනීමය. 97 සිට මේ දක්වා මෙහි පදිංචිව සිටීමය. මෙම ඉඩම තමන්ගේ උරුමයක් බව කියා පාමින් ඉඩම් නඩුවකට යන්න ඒ ලක්ෂ්මන් වැනි තක්කඩියකුට ප්‍රමාණවත්ය.
අද රාජපක්ෂලා රටේ ඉඩම් බලහත්කාරයෙන් කොල්ල කමින් සිටින්නේ තමන් සතුව ඇතී බලයේ ප්‍රමාණය නිසාය. විපක්ෂයේ සුලුතර බලයක් සහිතව සිටින මේ ජවිපෙ තක්කඩින් දැන් මෙලෙස අනුන්ගේ ඉඩම් කොල්ලකමින් කටයුතු කරමින් සිටින් ආකාරය අනුව ජවිපෙ ආණ්ඩුවක් වැරදීමකින් හෝ මේරටේ පිහිටවුවහොත් වන්නේ කුමක්ද යැයි කිව යුතු නැත.
0 comments:
Post a Comment