මහනුවර දිස්ත්‍රික්කයේ ජනතා විමුක්ති පෙරමුණ වෙනුවෙන් කැපවී ක්‍රියාකළ ක්‍රියාකාරීන් රැසක් ජනාධිපති මහින්ද රාජපක්ෂ මහතා හමුවී සහය පළ කර තිබේ.
ඊයේ(20) පස්වරුවේ මහනුවර ජනාධිපති මන්දිරයේ දී මෙව හමුව සිදුවු බව ජනාධිපති මාධ්‍ය අංශය සඳහන් කළේය.
මහනුවර දිස්ත්‍රික්කයේ ජනතා විමුක්ති පෙරමුණේ පළාත් සභා අපේක්ෂකයින්, හිටපු ප්‍රාදේශීය සභා මන්ත්‍රීවරුන්, ආසන සංවිධායකවරුන්, වෘත්තීය සමිති නියෝජිතයින් සහ ශිෂ්‍ය සමිති ක්‍රියාකාරීන් ඇතුළු පිරිසක් ඒ අතර වෙයි.
ජනතා විමුක්ති පෙරමුණේ ක්‍රියා කලාපය කෙරෙහි කළකිරුණු මෙම පිරිස මහනුවර දිස්ත්‍රික් සංසදය නමින් සංවිධානයක් ද පිහිටුවාගෙන ඇති අතර ඉදිරියේ දී මධ්‍යම පළාත තුළ පුළුල් වැඩපිළිවෙළක් ද ක්‍රියාත්මක කිරීමට නියමිතය.
එම සංසදයේ කැඳවුම්කරු ලෙස මිනිපේ ප්‍රාදේශීය සභාවේ ජනතා විමුක්ති පෙරමුණේ හිටපු මන්ත්‍රී නන්දරත්න දිසානායක මහතා කටයුතු කරනු ලබයි.
ඊයේ පස්වරුවේ ජනාධිපති මහින්ද රාජපක්ෂ මහතා හමුවු අවස්ථාවේ ඔහු සඳහන් කර ඇත්තේ ජනතා විමුක්ති පෙරමුණ රජයේ ගමනට විවිධ බාධා ඇති කරමින් ආධිරාජ්‍යවාදී ගැති ප්‍රතිපත්තියක පිහිටා කටයුතු කරන බවයි.
සටන් පාඨ නොමැති ජනතා විමුක්ති පෙරමුණේ නායකත්වය රජයට පදනම් විරහිත චෝදනා එල්ල කරමින් සිටින බව ද නන්දරත්න දිසානායක මහතා එහිදී පවසා තිබේ.
කුරුට්ටන්ගෙ මෝඩ ආතල්. ජවිපෙන් එලවපු උන් ඉතින් කානුවෙ නැත්නම් වෙන කොහෙද? බයිල ගමුද රී මික්ස් කරලා...
ReplyDelete